Nunanut allanut ministereqarfik: Pituffik pillugu paasissutissat amerlanerusut amerikamiunit pisariaqarput
Nunanut allanut tunngasunut ministereqarfik Folketingimi Kalaallit Nunaat pillugu ataatsimiititaliaannut akissuteqarluni taama allappoq.
Amerikamiut tusagassiorfiata USA-p Pituffimmi radarimik, amerikamiut misilinut illersuutaannik nutarsaanissaminnut 250 millionit koruunit missaat atorai ukioq manna siusinnerusukkut allaaseraa.
AAMMA ATUARUK Pituffik-radar opgraderet for knap halv milliard kroner
Naalakkersuisut paasisat taakku naapertorlugit nutarsaaneq nunatsinnut sakkutooqarnikkut qanoq aarlerinaateqarnersoq paasiniarlugu danskit naalakkersuisuinut saaffiginnipput.
Igalikumi isumaqatigiissut eqquutsinneqarsimasoq nalilersinnaanngikkaa
Tamatumunnga atatillugu Kalaallit Nunaannut ataatsimiititaliami Alternativeniit ilaasortap nunanut allanut tunngasunut ministereqarfik amerikamiut Igaliku-mi isumaqatigiissut malillugu Pitummut aningaasaliisimanersut nalilersueqquaa.
Nunanut allanut tunngasunut ministereqarfiup amerikamiut Igalikumi isumaqatigiissummik malinnillutik nunatsinnik Danmarkimillu ilanngutititsimanersut paasissappagit paasissutissat annertunerusariaqarput.
AAMMA ATUARUK Naalakkersuisup Pituffimmi nutarterineq misissuiffiginiaraa
Ministereqarfiup ataatsimiititaliamut allannernimi Pituffimmi radarimut Nunatsinnullu siooranartoqarnera tunngavissaqanngitsoq allappaa. Nunanulli allanut tunngasunut naalakkersuisoqarfiup amerikamiut Pituffimmi nutarsaanerminni 480 millionit koruuninik aningaasaliisimanerat annerusumik paasisaqarfiginiarlugu amerikamiut oqartussaasui saaffiginiarpai.
AAMMA ATUARUK Pituffimmut aningaasaliinermi Kalaallit Nunaat akuutinneqartussaagaluarpoq
