Pituffimmi aningaasaliisimaneq ataatsimiititaliami ilaasortat ilisimasaqarfiginerorusuppaat

Nunanut Allanut Sillimaniarnermullu Ataatsimiititaliami ilaasortat amerikarmiut Pituffimmi sakkutooqarfimmut aningaasaliingaatsianernat pillugu ilisimatinneqarnissartik kissaatigaat.

Ataatsimiititaliaq ilisimatinneqarsimanngitsoq, Demokraatimeersoq, Justus Hansen oqarpoq.

- Ilisimatineqarsismanersugut eqqaamasaqanngilanga. Naamik, Ilisimatinneqarnikuunngilagut, nunanut Allanut Sillimaniarnermullu Ataatsimiititaliap siulittaasuata tullia Justus Hansen oqarpoq.

Amerikamiut 250 millionit koruunit atorlugit Pituffimmi raadarimik nutarteriniarlutik aalajangilermata, nunatta akuutinneqartussaagaluarnera, Hans Jakob Helmsip Jyllands-Postenimi marlunngormat kronikkiliamini saqqummiuppaa. Allaatiginnittup Igalikumi isumaqatigiissut innersuussutigaa.

AAMMA ATUARUK Pituffimmut aningaasaliinermi Kalaallit Nunaat akuutinneqartussaagaluarpoq

Taanna tassaavoq amerikamiut sakkutooqarnikkut nunatsinni iliuusitik atortulersuutitilluunniit allannguiffigissatillugit nunarput Danmarkilu ilisimatillugillu isumasiortassagai, Nunatta, Danmarkip USA-llu 2004-mi isumaqatigiissutigisaat.

Motzfeldt aamma Hansen isumaqatigiipput

Ilisimatitsissuteqannginneraanerlu Justus Hansenip isumaqatigaa:

-Isumaqatigiissummi taanna tunngaviuvoq, suliassat nunatsinnittut pineqartillugit, nunarput soorunami sukkanerpaamik ilisimatinneqartussaavoq.

Ataatsimiititaliami ilaasortaasoq, Siumumeersoq Vivian Motzfeldt ilaasortaqammisut naliliivoq.

 -Sutigut tamatigut nunatta akulerutitinneqartarnissaa nunarput pineqartillugu tassani isumaqatigiissummi allaqqavoq taamaaliunnginnerlu isumaqarpoq isumaqatigiissummik malititsinnginneq.

Ataatsimiitaliaq amerikamiut Pituffimmi nutarterisimanerat pillugu ilisimatinneqarsimanngitsoq Vivian Motzfeldtip oqaatigaa.

Ilisimatitsinerunissaq sulissutigineqassaaq 

Naalakkersuisut paasissutissanik amerlanernik paasisaqarumallutik Danmarkip naalakkersuisuinut saaffiginnissuteqarnissaat Justus Hansenip Vivian Motzfeldtillu sulissutiginiarpaat.

AAMMA ATUARUK Pituffik 40 millionit dollarsit nalinginut nutarteriffigineqartoq

Radarimik nutarterinikkut nunarput sakkutuulersuunneqarnissamut qaninnerulersimasinnaammat, Namminersorlutik Oqartussat akuunissaat Justus Hansenip pingaartippaa:

-Sakkutuulersortoqalissagaluarpat Pituffik saassutassatut inisisimareerpoq. Radarimillu nutarterereerneranni saassutassatut inissisimanera suli pingaarnerulerpoq, taavalu nunatsinnilluni .

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat