Pituffik 40 millionit dollarsit nalinginut nutarteriffigineqartoq
Pituffimmi sakkutooqarfiup nunarsuup affaata avannarliup nakkutigineqarneranut qarasaasiatigut atortorissaarutai 40 millionit dollarsit, tassalu 266 millionit koruunit sinnerlugit nalinginut nutarterneqaqqammerput.
CBS News taama allaaserisaqarpoq.
Amerikamiut sakkutooqarfiisa arfinillit radarinik atortorissaarutaannik nutarterisoqaqqammerpoq, taakkulu ilagaat Pituffimmi sakkutooqarfik. USA saassunneqassagaluarpat piffissaagallartillugu kalerrisaarinissamut radarit taakku atugassiaapput.
AAMMA ATUARUK Amerikamiut umiarsuaat Pituffimmut assartuussisussatut inatsimmi salliutinneqartut
Rakettit atorlugit saassussisoqarneranik kallerisaarinissamut nakkutilliissutitut qaammataasat pingaarnertut atorneqarput, radarilli, soorlu Pituffimmi sakkutooqarfimmiittoq, rakettit ingerlaarfiinik nakkutilliinermut atugassiaapput.
Radarillu rakettinik nutaaliaasunik malittarisaqarsinnaanissaat qulakkeerumallugu, radarip Pituffimmi sakkutooqarfimmiittup qarasaasiatigut atortorissaarutai amerikamiut illersornissamut qullersaqarfianit, Pentagonimit, nutateriffigineqarput.
AAMMA ATUARUK Pituffimmi qinngussualiineq ulloriarsiornermik soqutiginnilersitsissasoq
Siooranarnerpaat ilagaat Korea Avannarleq. Sapaatit-akunnerimi kingulliit pingasut ingerlanerini rakettinik pingasoriarluni misileraavoq. Aamma Ruslandimi ineriartorneq Pituffimmut immikkut soqutiginaateqarpoq, taanna USA-mi Washington DC-p Ruslandimilu Moskvap akornanni inissisimammat.
Pituffimmi sakkutooqarfik 200-nik maanna sulisoqarpoq.
AAMMA ATUARUK Timmisartoq Pituffimmi uuliakoortitserujussuartoq
AAMMA ATUARUK Pituffik pillugu ukioq manna 2016-imi suliaq