Timmisartoq Pituffimmi uuliakoortitserujussuartoq
Illersornissaqarfik nittartakkamini taama allaaserisaqarpoq.
Orsussamut assartuut Station Nordimut sakkutuunut ilisimatuunullu ikummatissamik assartuutaasartoq ataasinngornermi ukrainimiut timmisartuanniittoq Pituffimmi usilersorneqarnermini erngalersimavoq.
Orsussaasivik timmisartumiittoq 6 kubikmeterisut atsigingajappoq, taamaattumik timmisartumit ikummatissaq 6000 literit missaanniittoq kuussimavoq. Pituffimmi amerikamiut avatangiisinut upalungaarsimatitaat periataapallappoq, erngartorlu maanna nakkutigineqarpoq ilimagineqarporlu kuuttoorneq avatangiisinik sunniinerlunnavianngitsoq, Illersornissaqarfik taama nalunaarpoq.
Sooq erngartoqalersimanersoq ilisimaneqanngilaq taamaattumik illersornissaqarfik aalajangerpoq ajoqut nassaarineqartinnagu Station Nordiliatitsiniarnani.
Timmisartuttaaq qanoq ajoqusersimatiginera ilisimaneqanngilaq taamaattumik Station Nordimut oliamik assartuisoqarnissaa kinguaattuussaaq. Illersornissaqarfilli nalunaarpoq Station Nordimi sulisut ajornartorsiuteqalernissaat ilimaginagu.
Illersornissaqarfiup ajutoornerit pillugit ataatsimiititaliaata suliaq maanna misissuiffigissavaa.
AAMMA ATUARUK Ukrainere til Station Nord med brændstof