Nunavimmi imminut toquttarnerup akiorniarnissaanut suliniut nutaaq
Nunavimmi Peqqinnissaqarfik, The Nunavik Regional Board of Health, imminut toquttarnerup akiorniarnissaanut nutaamik suliniuteqalerpoq.
Sapaatit-akunnerani uani, februaarip aappaanit arfineq-pingajuanut, Nunavimmiut saqqarmioqarnissaannik kajumissaanerneqarput, ima allassimasumik: “Uannut pingaaruteqaqaatit - Imminut toqunneq aqqutissaanngilaq”. Aammattaaq inuit inummut pingaartilluinnakkaminnut saqqarmiumik taama ittumik tunniussinissaannut kajumissaarneqarsimapput.
Peqatigitillugu aaqqissussinerit arlallit aamma pissapput. Ilaatigut inuit imminut toqukkusullutik piffissaagallartillugu unitsinneqarsimasut oqaluttuartinneqassapput. Aammaattaaq CBC Northip najukkami radioaqarfia aqqutigalugu maanna ikiorneqarnissamut periarfissaqalersimaneranik paasititsiniaasoqassaaq.
Imminut toquttartut ikilisinniarnissaat suliniummi anguniarneqarpoq.