Toqqorsivimmit

Nunatta qeqqani qimmit qimuttut akuneqarsimasinnaanerat aamma pasitsaanneqartoq

Qimmit qimuttut akuneqarsimasinnaanerinik pasitsaassaqarneq annertusiartorpoq. Sisimiuni nunaqarfiinilu Itillimi, Sarfannguani Kangerlussuarmilu qimmit Avannaata Qimussersuanut maanna aamma piffissaligaanngitsumik mattunneqarallarput. Naalakkersuisullu pissutsit ulorianarluinnarnerarpai.

Qimmit qimuttut akuneqarsimasinnaanerinik pasitsaassaqarnerit nutaat saqqummiunneqareersut, KNQK-mi siulittaasup Mikkel Jeremiassenip Naalakkersuisut peqquai ajornartorsiut pimoorullugu iliuuseqarfigeqqullugu.

Qimmit qimuttut allamiut qimmiinik akuneqarsimasinnaanerannik pasitsaassaqartoqarneranik oqaluttuat arlallit KNR-imit piffissami kingullermi saqqummiuppagut.

Pasitsaassaqartoqarneralu KNQK-p siulittaasuata ilungersunartippaa:

- Assorujussuaq nukillalaarnarlunilu tujorminarpoq, Mikkel Jeremiassen oqarpoq.

AAMMA ATUARUK Qimmit pillugit suliaq nutaaq ataatsimiissutigineqarpoq

Taamaammat Naalakkersuisut nakkutilliisussanik pilersitsinissaat kissaatigaa, taakkulu qimmit akuneqarsimanerinik pasitsaassaqarnermi aalajangiinissamut pisinnaatinneqassapput.

- Taamaammat naalakkersuisoq akissaasoq kaammattuuteqarfigivarput taakkuninnga naliliisartoqatigiinnik sukkasuumik pilersitseqqullugu, Mikkel Jeremiassen oqarpoq.

Naalakkersuisullu, Mikkel Jeremiassen assingalugu, nunatsinni qimmit qimuttut immikkuullarissuusut akuneqarsimanerannik pasitsaassaqartoqarnera ajuusaarutigaa. Aalisarnermut, piniarnermut nunalerinermullu naalakkersuisoq Nikkulaat Jerimiassen taama oqarpoq.

- Tassa uani atorfilittat sukkasuumik sulisissuakka taassuma massakkut killiffiusup qaangerneqalertornissaa eqqarsaatigalugu. Una suliaq aammalu qimmit sukkasuumik kinguaassiortarnerat eqqarsaatigalugu ulorianartumik inissisimanerput taanna ulorianarluinnartutut uanga isigivara.

AAMMA ATUARUK Qimussertartut allamiut qimmiinik akusanngortitsisimasutut pasineqartut

Naalakkersuisulli ataanni nakkutilliisussanik pilersitsisoqassanersoq naalakkersuisup maannakkorpiaq oqaatigisinnaanngikkallarpaa.

Nunatsinni qimmit qimuttut 2017-imi 15.629-t nalunaarsorneqarsimapput.

Qanoruumi ilanngutassiaq uani isiginnaarneqarsinnaavoq:

Qimmit akusat amerlipput

 

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat