Nunatta politikkikkut aqunneqarnera danskinit ilisimaneqanngilaq
Isumasiuisitsisarfiup Wilkep, aviisi Jyllands-Posten sinnerlugu isumasiuneranni, danskit innuttaasuisa affaasa oqaatigaat, kalaallit politikeriisa Nunarput pitsaasumik ingerlannavianngikkaat. Aperineqartut quliugaagata sisamat oqaatigaat, Nunatta siuariartornera politikeritta ingrlalluarsinnaagaat naak Danmarkimit ikiorneqanngikkaluarluta.
Danskit aperinartut 25 procentiisa oqaatigaat, danskit naalakkersuisui Nunatta politikkikkut ingerlanneqarneranut akuleruttariaqartut.
- Danskit taama isumasiorneqarnerisa paasinarsitippaa, danskit Kalaallit Nunaanni pissutsinut ilisimasaqarneri annikittuaraasoq, taama isumaqarpoq, Københavnip Universitetiani lektori, Lars Hovbakke Sørensen imalu nangilluni oqarluni.
- Naalagaaffeqatigiinneq imaluunniit Kalaallit Nunaat pillugu akisussaassuseqarnissaq danskit amerlasoorpassuit soqutigerpasinngilaat, naak Kalaallit Nunanni ajornartorsiutit annertuut amerlanersaasa ilisimareeraluarlugu, Lars Hovbakke Sørensen aviisimut Jyllands-Postenimut oqarpoq.
