Nunatta inuisa peqqissusiannik misissuisoqalertoq
Qanoq pujortakulatigaavut? Qanoq sodavanditukulatigaavut? Aamma tarnikkut qanoq peqqitsigaavut, qanorlu sinitsigisarpugut?
Tassa tamakkua nunatta inuisa peqqissusiannik misissuinermi akeqquneqartussanut ilaapput. Ilisimatusartorpaaluimmi nunatta inuisa peqqissusiannik misissuillutik aallartinissaleruttorput, taakkuali misissuinerat suli naammasseqqajannngilaq. Misissuinerminnimmi nalunaarusiartik aatsaat 2027-mi saqqummiutissavaat.
Misissuinerminniliuna qanoq periuseqarniartut?
Tassa misissuinerminni apersugassaminnik 8.000-nik taamungaannaq toqqaassallutik, nunatta inuisa peqqissusiannik ilisimatusarfik tusagassiorfinnut nalunaarummini allappoq. Isorliunerusuniittunik misissuinermi peqataasoqaqqullugu, taakkua misissuinerminni nittartakkakkut attaveqaatitigut immersuisitsillutillu oqarasuaatikkut apersuissapput.
- Inunnik misissuinitsigut inuit qanoq innerannik killiffissiuillattaartarpugut, tamatumanilu ineriartorneq piffissami aalajangersimasumi malinnaaffigisarlugu, ilisimatooq nunatta inuisa peqqissusiannik ilisimatusarfimmeersoq Christina Viskum Lytken Larsen oqarpoq.
Peqqissuuneq nerisaniinnarmiinngilaq timersornerinnarmiinnanilu
Misissuinermi paasisat nunatsinni kommunini aamma Namminersorlutik Oqartussani atorneqassapput, nunattalu inuisa peqqinnerulernissaannik suliniuteqarnermi aamma atorneqassallutik.
Peqqissuunermi issingigassanik ullaakkorsiorinnarmiinnanilu ullormut 10.000-riarluni allortarnerinnarmiinngilaq. Nunatta inuisa peqqissusiannik misissuinermi apeqqutissat ilaat soorlu pinngortitamut, ilaquttariinnermut, nunagisami atukkanut, kulturikkut aaqqissuussanut, ataatsimuualaarnermut, kalaaliminernut oqaatsitsinnullu tunngasuupput.
Aamma najukkami pingaartitanut eqimattakkuutaallu nukittoqutaannut tunngasortaqassapput, tassami:
- Pinngortitaq, ataatsimuualaarneq kulturilu (inuiaat peqqissuunissamut, aaqq.)) pingaartittaqisaannut ilaakkajupput, Christina Viskum Lytken Larsen oqarpoq.
Nunatta inuisa peqqissusiannik misissuinissaq arfinilissaraat. Innuttaasunik 2026 ilangullugu apersuisoqassaat.
Nunatta inuisa peqqissusiannik misissuinerit siulliit 1993-1994-imi, 1999-2001-imi, 2005-2010-mi, 2014-imi aamma 2018-mi pipput.
