Kalaallit quliugaangata sisamat sodavandimik saftimilluunniit imigaqartuusartut

Naak imeruersaatit tungusunnitsut seernartullu imeruminarnerusinnaagaluartut kiguternut ajoqutaasinnaapput, kigutigissaasoq taama oqarpoq.

Allattoq Mette Nørmark, Marie Kûitse

maajip 03-at 2019 16:39

Cola nillarissoq, imeruersaat eqeernartortalik immaqaluunniit appelsiinap issera.

Tassa kalaallit 43,9 procentiisa ulluinnarni imertagaat.

Tamanna innuttaasut peqqissusiannik misissuinermi 2019-imeersumi takuneqarsinnaavoq.

Taakku 2005-imiit 2010 tikillugu misissuinerni marloriaatingajaapput, taamanikkummi innuttaasut 24,4 procentii ulluinnarni saftitortuungikkunik sodavanditortuupput.

Ussernartut ulorianartut

Imeruersaatit imeruminarnerusinnaagaluartut, kigutinut ulorianartut, kigutigissaasut qullersaat Lone Manfeldt oqarpoq.

- Oqareernittut kigutinut ajoqutaapput. Tassa kigutit sikassaat - qaavi manngertut - arroriartortarmata. Kigutillu arrorunik aaqqeqqinneqarsinnaanngillat. Taamaalillutik kigutit arriitsumik nungukkiartulersarput.

Kigutit seernartunut kigutinillu qallerneqarsimasarput

Taamaammat nunatsinni kigutigissaasut imeruersaatitorneruleriartorneq malinnaaffigaat.
Aamma naak ajoqusernerit nunani allanisulli, aamma tungusunittulinnik seernartulinnillu imeruersaatilittorfiusunisulli, angitiginngikkaluartut:

- Nunarput Danmarkimut tuluillu nunaannut sanilliutissagutsigu suli taama ajortigisumik inissisimanngilagut. Suli! Kisianni atuineq taama qaffakkiartortigitillugu ajornartorsiutaalertussavoq.

Kigutigissaasut atuartunut 6. klassinut sorpianik oqummiussaqartarnerannik ukioq manna ilinniartitsiartortalerput.

- Meeqqat misiliutissanik soorlu sodavandinik, naatitat isseranik imeruersaatinilluunniit eqeernartortalinnik imernissaminnik periarfissittarpagut. Taamaalillutik, seernassuseq, seernatullu tungusunnittullu kigutit peqqissusaanut qanoq ulorianartiginersoq takusinnaaniassammassut paasiniassammassullu.