Nunatta ilarujussuani isumaginninnermut siunnersortit akerliussutsimik takutitsiniartut
![Martha Lund Olsen](/sites/default/files/styles/image_934x467/public/img_6974.jpg?itok=rtHecbVR)
Nunatsinni tamarmi isumaginninnermut siunnersortit suliamillu isumaginnittut pingasunngorpat akerliussutsimik takutitsiniarput.
Isumaqatigiinniarnerit maannakkut ingerlanneqartut naammassineqassagunik Isumaginninnermut siunnersortit qaammammut 3.500 koruuninik akissarsiakinnerulissapput. Isumaginninnermi siunnersortit isumaginninnermilu suliaqartut akissarsianut tapermik oqartussaanermut tapimik annaasaqartussaanerat pissutaavoq.
NIISIP Nunatsinni Isumaginninnermut Siunnersortit Peqatigiiffiat tusagassiuutinut nalunaarummi allappoq.
Tapimullu tassunga taarsiullugu qaangiuttoorsinnaatitaanermut tapeq, ukiup sisamararterutaanut akunnernik 52-inik qaangiuttoorsinnaatitaanermik ilaqartoq atuutsilerniarneqarpoq.
Naalakkersuisut aamma Atorfillit Kattuffiat (AK) isumaginninnermi siunnersortinut suliamillu isumaginnittunut tunngatillugu isumatigiissutinik isumaqatigiinnialeruttortuupput.
Isumaginninnermut siunnersortillu isumaqatigiissutiginiarneqartumik naammagisimaarinninnatik akerliussutsimik takutitsiniarput.
Akerliussutsimik takutitsinermittaaq peqatigiiffiup innuttaasunut sanngiinnerpaanut pissutsit ajornerulersimanerat naammagisimaarnagu aamma takutinniarpaa.
Ilulissani, Aasianni, Sisimiuni, Maniitsumi, Nuummi Qaqortumilu marsip 13-iani pingasunngornermi nalunaaqutaq ataatsimut akerliussutsimik takutitsisoqassaaq.