Nunatsinni partiip nutaap siulittaasua: Nunarput innuttaasullu tunulliunneqarpallaarput
Nunarput nutaamik parteeqalissaaq.
Partiip Qulleq ateraa, tassanngalu nunatta naalagaaffinngornissaa anguniagaavoq.
Henrik Fleischer pilersitsisuuvoq. Taanna Siumumi ilaasortaanikuuvoq, maannalu Qullermi siulittaasutut imminut taasinnaalluni.
Henrik Fleischer parteeqatigilerumaakkanilu namminneq nunaminni tunulliutitaasutyut misigisimagamik partiiliorusuttapput.
- Taakkua tunuliaqutsiisut misigisimajartorsimapput, nunarput inuilu tunulliunneqarpallaalersut, tamatumalu kinguneranik inuussutissarsiornikkut ingrlatsinikkullu tunulliussaagaluttuinnarlutik misigigamik, taanna qaammatini arlaqalersuni sanarfiartuaarsimavaat, Henrik Fleischer oqarpoq.
Taamaammat partiip nunatta isumalluuteqarunnaarluni naalagaaffinngornissaa anguniagaraa.
Nunatta tamatuma tungaanut suliaqarfiit naalagaaffeqatigiinniittut, soorlu eqqartuussiveqarneq aamma nunanut allanut tunngasunut sillimaniarnermilu politikki tiguartuuaaassagai, Henrik Fleischer nassuiaavoq.
Taamaalereerpat Danmarkip nunatsinnut oqartussaanera soraassaaq.
Danmark oqartussaanerminik Issittumi Sakkutooqarfiup umiarsuaataasa takussaatinnerisigut atuutsitsisarpoq. Taaamaakkunnaaarpallu kalaallit nunartik iluaqutiginerusinnaalissagaat, Henrik Fleischer isumaqarpoq.
- Assersuutigalugu nunatsinni imartatssinnut 200 sømilit tikillugit oqartussaanerup aammalu inuussutissarsiornikkut pisuussutitsinnut uumatsunut uumasssusilinnullu akisusaaffiit nunatsinnut inuinullu ilkuaqutaaanerusunngorlugit.
Aningaasat sumit pissarsiarineqassappat?
Naalagaaaffiup Issittumi Saakkutooqarfimmut, taassumalu oqartussaanerpaanermik nunattalu imartaanut oqartussaanermut takutitsineranut, ukioq manna 153 millionit koruuninit atorpai.
Henrik Fleischerilli Issittumi Sakkutooqarfimmut taartaasussat suminngaaanniit aningaasalersorneqarnissaannut suli akissutissaqanngilaq.
- Tassa taakkua nalilersoqqissaarneqassapput. Aamma naalagaaaffiup ingerlatsineqqissaavatut ingerlatsiumaaarnersugut imaluunniit uagut naleqqussarnitsigut naleqqunnerusumik ingerlatsilersinnanerput apeqqutaassaaq.
Nunaarput qanoq ililluni namminersulissanersoq suli ersarluppoq, anguniagarli Henrik Fleischerimut ersareqaaq.
- Nunarput nammine naalagaaffinngussasoq siunertaavoq. Tamanna nunat allat suleqatigalugit soounami pissaaq. Soorlu nunarsuarmioqqataasutut aallatulli naalagaaaffittut FN-ip ataani aalajangersakkat ataqqqillugit ingelalerumarnissaq takorloorneqarpoq.
