Nunat inoqqaavisa siunnersuisoqatigiiffiat ataatsimiilerpoq

Nunani assigiinngitsuni nunap inoqqaavi ataatsimiissapput. Nunat inoqqaavisa sinniissaat nunarsuarmi tamarmeersut 2000-t sinnerlugit ukioq kingulleq New Yorkimi katersuupput.

Isummersoqatigiiffiup sammitinniagai pingaarnerit tassaapput akerleriinneq, eqqissineq aaqqiiagiinerillu.

Taakkunanilu Nunap Inoqqaavisa qanoq pingaaruteqartiginerisa eqqartugassani qitiutinneqassaaq.

Isummersoqatigiiffimmi siulittaasuusimasup, Dalee Sambop, sammisat ullutsinnut attuumassuteqarluinnarneri KNR-mut oqaatigaa.

Akerleriittoqartillugumi nunat inoqqaavi eqqugaasarput, taakkuli aaqqiiageeqataasinnaasarput, Dalee Sambo erseqqissaavoq.

Kalaallit arlallit New Yorkimi ukioq-manna peqataassapput, Ilisimatusarfik aamma Inuit Issittormiut Siunnersuisoqatigiiffiat ilaatigut peqataassallutik.

Ataatsimiinneq maajip ulluisa qulingiluaaniit 20-ata tungaanut ingerlanneqassaaq.