Nunasiaateqarsimasut utertoorfigitipput
![](/sites/default/files/styles/image_934x467/public/article_images/kina630_3.jpg?itok=yyhaTweu)
Piffissami kingullermi arlaleriarluni oqaatigisariikkamisut, Kinamiut Nunatsinni aatsitassarsiorsiulersinnaanerinut aarlerisaaruterpassuit tusartuakkani taassuma qatsussimanerarpai. Tassami nunat killiit pitsaanerunngilluinnarmata:
- Europamiut qangaanerusoq nunarsuaq tamaat nunasiaateqarfigilerpaat. Suut tamaasa taamanikkut atornerluppaat. Maannalu aningaasarsiornikkut qitiusumik ingerlatsineq nunanut kangillernut sammilerpoq, Kuupik V. Kleist oqarpoq.
Kuupik V. Kleist isumaqarpoq, niuertut Asiap kangiamiut nunanit killermiunit pitsaaquteqarnerusut. Tassami kulturikkut assigiinngissuteqarmata.
- Niuertut Asiap Kangiamiut nunanit killermiunit aningaasaliisartunit pissutsinut malinnaalluarnerunerat tupaallaatigisarpara, nunanimi killermiut nunarsuarmi sumiinnertik inuiaqatigiillu kikkut pineqarnersut soqutigineq ajorpaat. Asiamiut Nunatta oqaluttuarisaaneranik Nunatsinnilu pissutsinik ilisimasaqassusiat tupaallaatigisaannarpara. Taakkua inuiannik allanik ataqqinninneq aamma maniguunneq ileqqorineruaat, Kuupik V. Kleist aviisimut oqarpoq.
Tamatuma saniatigut Kuupik V. Kleistip kalaallit Asiamiunik siulimikkut ataatsimooruteqarnerat tikkuarpaa.
- Uagut kalaallit inuiaallu kangianeersut siulitsigut ilaqutariippugut, taanna oqarpoq inuiaallu nunani killermiut siunnersorlugit maniguunneroqqullugit sungiusimasaminnillu naalagarsuartut pissusilersorunnaaqqullugit.