Nunarsuarmi silaannakkut angallattut ikileriarujussuarsinnaasut
Nunarsuarmi silaannakkut angallattut 1,2 milliardinik ikileriassasut, USA-mi angallannermik nakkutilliisuutitat taama naliliipput.
Nunani tamalaani angalasussat ilimagisamit 67 procentit missaannik ikileriaateqassasut, nunani tamalaani angallanneq pillugu kattuffiup missiliorpaa.
Nunani arlalinni angalanissaraluit coronavirusimi pissutigalugu taamaatiinnarneqarput, timmisartortitseqatigiiffiillu timmisartuussinatik.
AAMMA ATUARUK Millionerpassuarnik annaasaqartoq: Timmisartuusseqqusaannginneq Air Greenlandimut annaasaqaataasoq
Timmisartortitseqatigiiffik, SAS, eqqugaasut ilagaat. Taanna marsimi inuit millionit missaannaannik timmisartuussisimavoq, ilaasuilu ukiup siulianut sanilliullugu 60 procentinik ikileriaateqarsimallutik.
Air Greenland millioninik marlunnik kisitsisitalinnik coronavirusip ajornartorsiortitsinera pissutigalugu annaasaqarsimasoq, timmisartortitseqatigiiffiup siusinnerusukkut nalunaarutigaa.
