Nunarput tamakkerlugu ambulancet oqarasuaataat aaqqeqqittut

Nunatsinni tamarmi ambulancenut oqarasuaatit sisamanngornermi unnukkut qulingiluanut ajutoorput.

Oqarasuaatit ajutooqqanerat akunnernik sisamanik sivisussuseqarpoq, sisamanngornerullu tallimanngornerullu unnuaata akornanni aaqqeqqissimasut, Droninng Ingridip Napparsimmavissuani peqqinnissamik aqutsisut tallimanngornermi ullaap tungaani paasissutissiipput.

Ajutoornerannut pissutaasoq ilisimaneqanngitsoq

Oqarasuaatit ajutooqqanerannut suna pissutaanersoq peqqinnissamik aqutsisut ilisimanngilaat, tamannali misissorneqaleruttortoq aqutsisut KNR-imut paasissutissiipput.

Nunattali ilaani ambulancet attavigineqarsinnaasimapput. Oqarasuaatit nalinginnaasut ajortimmata peqqinnissaqarnermi sulisut peqqissaaviit normui Facebokkikkut innuttaasunut paasissutissiivikkut siammarterpaat.

Tamanna imaappoq innuttaasut peqqissaavimmut qaninnerpaamut sianerlutik ambulancenik pissarsiniarsinnaapput, peqqinnissamut aqutsisut paasissutissiipput.