Illersornissamik isumaqatigiissutissaq tunngavileraat: Nunarput Illersornissaqarfiup sulineranit iluaqutissarsissaaq
Nunarput, Savalimmiut Danmarkilu Illersornissaqarfiup Atlantikup avannaani ukiuni qulini tulliuttuni suliassai pillugit isumaqatigiissusiorput.
Illersornisssamut ministereqarfik tusagassiutinut taama nalunaaruteqarpoq.
Naatsumik oqaatigalugu naalakkersuisut pingasut nunatsinni Savalimmiunilu suliffeqarfiit oqartussaasullu Illersornissaqarfiup nunani taakkunani imartaannilu sulineranit iluaqutissarsissapput.
Assersuutigalugu qammataasatigut nakkutilliinikkut ullumikkut taamaareerpoq, nunatta ilaa aamma internetsimut attaviginnerulersinneqarmat.
Atlantikup avannaata illersorneqarnera, ilaatigut imartaata nakkutigineqarnerulerneratigut immap naqqatigullu kabelip isumannaallisarneratigut, aamma sukasarneqassaaq. Aamma internettip isumannaallisarneranut nunarput Danmarkilu suli qaninnerusumik suleqatigiilissapput.
Tamatuma saniatigut nunat pingasut Illersornissaqarfiup Atlantikup avannaani Issitttumilu suliai pillugit naalakkersuisutigut ukiumut pingasoriarlutik naapittassasut isumaqatigiissutaavoq.
Kunngeqarfiup illersornisaanut 143 milliardit koruunit ukiuni tulliutttuni qulini atorneqassasut Danmarkip naalakkersuisuisa aasalernerani siunnersuutigaaa.
Aningaasat ilaatigut aamma nunatta Savalimmiullu illersorneranni qanorpiaq atorneqassanersut ukiaru isumaqatigiissutigineqassapput.
