U18-it nunatsinneersut Kinamut ajorsangaatsiartut

Kalaallit arnat assammik arsartartut 18-it inorlugit ukioqartut ulluni makkunani kinami illoqarfissuarmi Chuzhoumi U18-it nunarsuarmi pissartanngorniunneranni peqataapput.

Unammeqattaarnerit ulluanni siullermi kalaallit unammisartut Kinamiut unammivaat. Unammillernangaatsiarporlu.

Taamaammat kalaallit arnat 46-17-imik ajorsarput.

Naalli kalaallit isertitsinernik 29-nik kinguaqqagaluartut kalaaleq unammisartoq Madeline Bjørnstad unamminermi arfineq-pingasoraartoq isertitsinerpaajuvoq.

Unammisaannili Kinameersut arsartui 14-it tamarmik isertitsipput.

Kalaallit U18-it nunanut allanut unammisartut Kinami nunarsuarmi pissartanngorniuttoqarnerani siullermeerlutik pingasunngornermi unammipput. Unamminermi tulliani Danmarkimut unammissapput. Assi © : IFH - International Handball Federation

Kinamiut U18-it nunarsuarmi pissartanngorniunneranni tamanna ajugaaneranni annerpaajuvoq.

Kalaallit U18-it tulliani tallimanngorpat unammissapput, tassanilu Danmarkimut unammissallutik. Nalunaaqutaq arfineq-marlunut unammissapput, unamminerlu Viaplayikkut imaluunniit IFH-p youtube-atigut isiginnaarneqarsinnaavoq.

Kalaallit Nunaat vs. Kina. Kalaallit unammineri tamaasa aamma uani takukkit.