QIMMIT NAPPAATAAT Nunaqarfinni Saqqami Qeqertanilu qimminik mattussineq atorunnaarpoq
Qimmit tamarmik akiuussutissamik maanna kapoorneqareerput sapaatit akunnerinilu arfineq marlunni kapitereernerup kingorna piffissarititaasoq qaangersimalerlugu.
Allattoq Inge S. Rasmussen
Nutserisoq Erna Lynge
Mattussineq påske sioqqullugu pisortat atorunnaarsissimangaat Qaasuitsup Kommuniata nittartagaani atuarneqarsinnaavoq.
Kommunip ilanngullugu nalunaarutigaa qimussit Ilulissat qimallugit maanna aallarsinnaatitaalersut.
Qimmit nappaalanerat pissutigalugu Ilulissani qimussit aqqutaat matuneqarsimagaluarpoq. Piumasulli illoqarfik qimallugu qimussit aqqutaatigoorsinnaaqqilereerput.