Nunaqarfimmiut illoqarfimmut niuerniartariaqartarput
- Ilungersunartarpoq nioqqutissanik amigaateqartaqigatta, tassa naatitat imaluunniit assigisaat nillataartut. Nungukkaangata sivusoorujussuarmik utaqqisariaqartaratta taavalu akisoorujussuussarlutik, taama oqarpoq Dorthe Fredriksen.
Ilaqutariit nunaqqataasut allat assigalugit illoqarfimmut niiverniartarput, illoqarfinni neqerooruutaasartut karsikkaarlugit akikinnerummata. Qaqorsaatillu uffaatillu assigiinngitsut, wc-papir køkkenrullellu pisiarisarpaat
-Soorunami angalaneq akeqarpoq, isumaqarpunga pitsaanerusoq illoqarfimmut niuerniarluni. Perusutat amerlanerusut qinigassallu amerlanerusut
Ujaqqaarsinnaagatsigit, taama oqarpoq Dorthe Frederiksen
Oqaatiginiarneqartarpoq helikopterimik nioqqutissanik nunaqarfiit pilersorneqalertarmata nioqqutissat akii qaffasissut, Qassiarsummi niuertoq Paannaq Simonsen paasiniaavigaarput aamma kujataani tamanna atuunnersoq.
-Uagutsinni taanna sunniuteqarneq ajorpoq. Avannaani taana atorneqartarpoq ukiuunerani timmisartukkut ingerlaaleraangata akit qaffartaramikkit. Nunaqarfinni nioqqutissat akisunerusut oqaatigineqartarpoq, assigiikkaluarpugut immaqa. Illoqarfinni unammeqatigiikkamik, iluanaarutissaagaluartik mikinerusussaagaluartoq soqutiginagu pisisartut amerlanerit tigujumallugit. Uanga taama paasisarpara, taama nassuiaavoq Paannaq Simonsen.
Aamma taanna oqarpoq, akit assigiikkunnaarsitaanerat pisimassanngikkaluartoq.
- Naalakkersuisut aaliangermata akit nunaqarfinni assigiikkunnassasut, tamananna malugaarpit nioqqutissat ingerlaannaq akitsormata, taama naggasiivoq Paannaq Simonsen.
