Nunaqarfimmiut aamma kattussuutissappat?
Inatsisartut ukiaanerani ataatsimiikkamik aaliangerpaat Nunaqarfiit siulersuisui atatiinnarneqassasut, aappaatigulli 2009 –mi kommunerujussuanngortussat namminneerlutik nunaqarfiit qanoq isikkoqarlutik ingerlaqqinnissaat pillugu aalajangersassagaat aamma aalajangiuppaat.
Kalaallit Nunaani Nunaqarfiit Peqatigiiffiani siuolittaasup tullia Jens Kristian Terkelsen Uummannap pigisaani Ikerasammiu oqarpoq, Avannaani kommunerujussuanngortussaq kisiat eqqarsaatigalugu piviususunngussappat, tassalu Kangaatsiamiit Avanersuaq tikillugu, nunaqarfiit 30 –it sinnillit attorneqartussaasut. Taamaattumik isumaqarnerarpoq nunatsinni uullumikkut kommuniusut nunaqarfimmi aqutsisunut piffissalikkamik tusarniaasariaqartut.
- Paaserusupparput nunaqarfimmi aqutsisut qanoq isumaqarnersusi suna nunaqarfik ataatsimut aqutsisoqarfigerusuppisiuk? Imaluunniit aqutsisussi ataannarnissaat eqqarsaatigaasiuk? Taakkulu apeqqutit eqqarsaatigalugit nunaqarfimmi aqutsisut piffissalerneqartariaqarput eqqarsaatigalugulu ataatsimut kattussuunnissartik namminneerlutik ilusilersussagaat taamaalillutik kommunerujussuimmi nutaassat aamma namminneerlutik allanik suleqatissarsiorlutik sulinikuupput. Aamma taamatulli nunaqarfimmi aqutsisut taamatulli kattussuunnissaat takorloorneqarsinnaasutut isigivara. Soorlu nunaqarfiit marluk imminnut qanikkunik taava imminnut tipisioqatigiillutik oqaloqatigiissinnaasariaqarput, taama oqarpoq Jens Kristian Terkelsen, Kalaallit Nunaani Nunaqarfiit Peqatigiiffiani siulittaasup tullia.
