NunaOilimi ataatsimeersuartoqalersoq

NunaOil A/S-imi siulersuisut ingerlatseqatigiiffiup ukiumi qaangiuttumi suliaanik nassuiaanissaat oqaluuserisassanut ilaapput, soorlu aamma ukiuni aggersuni ungasinnerusumilu suliassat pilersaarutigineqartut aningaasalersorneqarnissaallu, ingerlatseqatigiiffimmilu aqutsilluarnissaq pillugu politikkip nassuiarneqarnissaa siunnerfigineqartoq.

Nunatsinni uuliasiorluni misissuinermi suliat NunaOilimit aqunneqartut ukiuni kingullerni oqallisaasimaqaat. Ingerlatseqatigiiffimmi siulersuisut immikkut ittumik siorna ataatsimeersuarmata aalajangerneqarpoq ingerlatat annikillisinneqassasut.

AAMMA ATUARUK NunaOil A/S-imi ingerlatat annikillisinniaraat

Ukiuni aqqaneq-marlunni kingullerni pisortaasimasoq Hans Kristian Olsen ukioq manna juulip aallaqqaataanit atuutilersussamik soraarsippaat, siulersuisunilu ilaasortat tallimanit pingasunut ikilisinneqarnissaat aalajangerlugu.

NunaOil A/S-imi siulersuisut ukiumoortumik maajip pingajuani ataatsimeersualerpata siulersuisunik nutaanik qinersisoqassaaq, nutaamik siulittaasortaassallutik.

AAMMA ATUARUK Nunaoil amigartooruteqaqqittoq

AAMMA ATUARUK Nunaoilip pisortaa: Uuliamik aatsaat nassaartoqarpat sinneqartooruteqartalissaagut

AAMMA ATUARUK Stine Bosse Nunaoilimi siulersuisunngorpoq

AAMMA ATUARUK Nunaoilimi siulersuisuugallartussat toqqarneqalerput