Nunaoil amigartooruteqaqqittoq

Namminersorlutik Oqartussat ukiuni kingullerni 30-ni uuliasiornermik ingerlateqatigiiffia 2015-mi 6,5 millionit koruuninik amigartooruteqarpoq.

Ingerlatseqatigiiffiup nalunaarutaa naapertorlugu ilimagimasanit 1,6 millionit koruuninik pitsaanerussuteqarpoq, tamatumunngalu pissutaasoq aningaasartuutit tungaasigut sipaarutissanik atuutilersitsisimaneq.

Ingerlatseqatigiiffik siusinnerusukkut sajuppillatsitsinernik tunisaqartarnikkut annertuumik kaaviiaartitaqartarsimavoq, ukiunili kingullerni sajuppillatsitsinikkut paasissutissanut aningaasaliineqartarsimanngimmat paasissutissanik tunisaqarnikkut kaaviiaartitaqarnissaq tamatumuunalu aamma ingerlatseqatigiiffimmi sinneqartooruteqarnissaq ilimagineqarani.

Uuliap akiata appasinnerunera Kalaallit Nunaatalu kitaani uuliasiortoqannginera siunissamut nalorninartorsiorfiuvoq.

Aamma atuaruk Nunaoilip pisortaa: Uuliamik aatsaat nassaartoqarpat sinneqartooruteqartalissaagut

Nunaoil tusagaassiuutinut nalunaaruteqarluni allappoq, nunarsuaq tamaat isigalugu 2015-imi tunisassiornermi ukiuni siuliini tallimani tamani 20%-inik annikinnerusut uuliasiornermut atorneqarsimammata.

Uuliasiorluarniarluni misissuinerit ukiuni aggersuni annertusinissaat nalileraluarlugu, ingerlateqatigiiffiup aningaasartuutaasa ikinnerunissaannut naleqqussarnissamut tunngaavissaqartoq Nunaoilip siulersuisuisa nalilerpaat.

Nunaoilip 2016-mi 7 millionit koruuninik amigartooruteqarnissaq ilimagivaa.