Timersorneq

Nunanut allanut unammisartut Nordic Futsal Cup 2018-imut piareertut

Illup iluani isikkamik arsaalluni Nunani Avannarlerni unammiuaarnerit Nordic Futsal Cup 2018, Danmarkimi Skjern Bank Arenami decembarip ulluisa sisamaannut arfineq-pingajuata tungaanut pisussatut aaqqissuunneqarput, nunarpullu ukiut pingajussaat peqataasussanngorluni.

Allattoq Karsten Sommer

novembarip 20-at 2018 07:22

Nutserisoq Mads Lynge

Angutit nunanut allanut unammisartut piareersarluarsimanerat ukioq manna maluginiagassaasoq, Kalaallit Arsaattartut Kattuffiata tusagassiutinut nalunaarummi allaaseraa.

Unammisartussatut toqqarneqarallartut Nuummi oktobarip aallartilaarneraniilli sungiusaqatigiipput, sungiusaqatigiinnerallu Killiliisa Cup-imi peqataanikkut unamminernik aaqqissuussiffigineqarpoq, sungiusaqatigiinnerallu naggaserlugu Nordic Cup sioqqullugu Danmarkimi sungiusaqatigiittoqassalluni.

AAMMA ATUARUK Nunanut allanut unammisartut sungiusaasussaat toqqarneqartoq

Nordic Futsal Cup 2018-imi unamminerit KNR-TV-kkut toqqaannartumik aallakaatinneqartassapput, decembarillu ulluisa sisamaanni tassa aallaartissallutik.

Futsalimi unammisartut 17-it toqqarneqarsimanersut:

Målmandit: Malik Hermarij og Malik Mikaelsen

Arsaattartut: Ari Hermann, Nick Reimer, Rene Eriksen Petersen, Karsten Andersen, Nukannguaq Zeeb, Patrick Frederiksen, Malik Juhl, Niklas Thorleifsen, John Ludvig Broberg, Markus Jensen, Frederik Funch, Søren Kreutzmann, Julius Motzfeldt, Bastian Rosing og Amos Rosbach.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Nunanut allanut unammisartut Nordic Futsal Cup 2018-imut piareertut

Aamma atuaruk