Nunanut allanut ministerip Ruslandillu Issittoq oqallisigissagaat

Ruslandimi qeqertaasami Krimimi 2014-imiilli tiguarneqarmat danskit nunanut allanut ministeriat Anders Samuelsen Ruslandimut aatsaat tikeraarpoq.

Ruslandip kitaata avannaani Arctic Circle Forumeqarneranut atatillugu nunanut allanut ministeri ullumi sisamanngornermilu pissusami peqataajartorpoq.

Ataatsimeersuarneq issittumi ineriartornissaq pillugu sammineqassaaq, ataatsimeersuarnermilu præsidenti Putin aamma nunanut allanut ministeri Sergej Lavrov peqataassapput.  

AAMMA ATUARUK Arktis-rapport kan spænde ben for EU-plads i Arktisk Råd

Anders Saumelsenip nunanut allanut ministeri Lavrov unnummut nereqatigissavaa, tassanilu suliat pillugit saqqummiunnissaat periarfissaassasoq, Anders Samuelsen Ritzaumut oqarpoq.

- Issittuni suleqatigiinnerput ingerlatiinnassavarput, aammali Ukrainemi Krimimilu pisut oqaloqatigiissutigisariaqassavagut, Samuelsen Ritzaumut oqarpoq.

AAMMA ATUARUK Robert Papp Issittumi Siunnersuisoqatigiinni siulittaasutut tunuarpoq

Nunanut allanut tunngasunut naalakkersuisoq, Vittus Qujaukitsoq maanna USA-miinnini pissutigalugu Ruslandimi ataatsimeersuarnermi peqataanngilaq.

Taamaattoq Anders Samuelsenip saqqummiussinissaani nunanut allanut pisortaqarfik peqatigalugu ataqatigiissaarisoqarlunilu atorfilik Kalaallit Nunaanneersoq aqagu saqqummiiumaartoq,
Nunanut allanut pisortaqarfiup KNR-mut ilisimatitsissutigaa.