Robert Papp Issittumi Siunnersuisoqatigiinni siulittaasutut tunuarpoq
Issittummi Siunnersuisoqatigiit siulittaasuat Robert Papp, USA-meersoq, siulittaasusut tunuarpoq. Sakkutuut naalagaat Robert Papp, Issittumi Siunnersuisoqatigiinni 2015-imili siulittaasuuvoq, tunuarniuteqarniarninili nalunaarutigisimallugu. KNR-ip Canadami tusagassiisartua Marianne Stenbæk taama allaaserisaqarpoq.
Robert Papp
Allattoq Jonas Fievé
januaarip 30-at 2017 15:30
Pappip Issittumi Siunnersuisoqatigiinni siulittaasutut issianerminit taamaasilluni sioqqutsilluni tunuarniuteqarpoq, upernaap ingerlanerani nutaamik aatsaat siulittaasortaartussaagaluaramik.
Issittumi Siunnersuisoqatigiinni siulittaasutut tunuarniuteqarnissaanik præsidentinngortumit Donald Trumpimit ilisimatinneqarsimanersoq, namminerluunniit taama aalajangersimanersoq ilisimaneqanngilaq.
Issittumi Siunnersuisoqatigiinni suliunnaarluni suliffeqarfimmi namminersortumi sulilernissani pillugu siulittaasutut tunuarniuteqarnini sakkutuut naalagaata Robert Pappip oqaatigaa, amerikamiut amutsiviisa ilaanni siunnersortitut sulilernissani nalunaarutigalugu.
Finland, Issittumi Siunnersuisoqatigiinni upernaaru siulittaasuutitaqalissaaq.
