Nalunaarusiap Issittumi Siunnersuisoqatigiilernissaq akornusersinnaagaa
Issittumi ineriartorneq pillugu EU-mi inatsisartut isumaliutissiissutissartik unnugu oqallisigissavaat.
Inatsisartulli akunnerminni isumaqatigiinngissutigaat Issittumi uuliasiortoqassanersoq imalunniit uuliasiortoqassannginnersoq.
Danskit politikerit EU-miittut isumaqarput isumaqatigiinnginnerup Issittumi siunnersuisoqatigiinni EU'p alaatsinaattutut ilaasortanngorusunnera ajoqusersinnaangaa.
EU-mi inatsisartut oqallinnissaanni tunuliaqutaassaaq EU-kommissionip pisortatigoortumik Issittumut iliuusissamut pilersaarutaa siorna pisortatigoortumik saqqummersinneqartoq.
Sammisarli ataaseq inatsisartunik avissaartuutitsivoq, tassalu Issittumi oliasiortoqannginnissaanut tunngasoq.
AAMMA ATUARUK EU-p issittumut periusissiani piareerpaa
EU-mi inatsisartuni ilaasortaq Dansk Folkepartiimeersoq Jørn Dohrmann ima oqarpoq:
- Nunat ilaasortami oliamik gasimilluunniit qalluissanersut EU'p aalajangertussaanngilaa.
Taanna isumaqarpoq oliasiunnginnissaq pillugu oqaasertaliunneqarsimasoq nalunaarusiami allassimasumit atitunerusariaqartoq:
- Ikummatissat oliameersut aamarsuarneersullu nunarsuarmi tamarmi - issittumiinnaanngitsoq ikilisarneqartariaqarput. Tamakkuninnga atuineq pillugu oqaasertaliisoqassappat taava tamanik eqquinerluttutut taasariaqarpoq - Issittumiinnaanngitsoq.
Taamatut isummersimasunut ilaapput Konservativ Folkepartiimeersoq Bendt Bendtsen aamma Socialdemokratineersoq Christel Schaldemose.
Aamma socialdemkratit akornanni taanna pillugu assut avissaartuuttoqaraluartoq.
Taama oqallinnerup kingunerisinnaavaa EU'p ikinngutaasumiit akeqqatut Issittumi isigineqarnerulersinnaanera, taamaalillunilu Issittumi Siunnersuisoqatigiinni alaatsinaattutut inissinnissani akornguserlugu.
- Neriuppunga akuerineqarsinnaasunik oqaasertaliisinnaassalluta. Aap, kisianni tassa mianersunngikkutta Issittumi Siunnersuisoqatigiinnit immitsinnut ungasillinerutilersinnaalluta ilisimavarput Schaldemose oqarpoq.
AAMMA ATUARUK EU-p issittumut periusissiani piareerpaa
- Dansk Folkepartiimeersoq Dohrmann aamma taama isumaqarpoq.
- Issittoq pillugu politikkissap oqaasertai taamaatsiinnarutsigit isumaga malillugu Issittumi Siunnersuisoqatigiilernissatsinnut periarfissat ajornerulissapput, taanna oqarpoq.
EU-mi inatsisartut Issittoq pillugu nalunaarusiaq pingasunngornermi oqallisigissavaat, sisamanngornermilu taasissutigalugu.