Nunanik avannarlernik suleqateqarneq Nunatsinni nuannarineqarluartoq
Ataatsimiinnermi saqqummiunneqarpoq Nunat Avannarliit ministeriisa Siunnersuisoqatigiiffiata Nordisk Ministerrådip inuit isumaannik paasiniaanerata inerneqarnera "Suleqatigiinnertullu naleqarluartutut" nalilerneqarsimanera nuannaarutigalugu.
Nunat Avannarlermiut akornanni Kalaallit Nunaat Ålandilu tassaapput suleqatigiinnermik pingaartitsinersaasut, Agathe Fontain tusagassiuutinut nalunaarummi allappoq.
- Kalaallit Nunaanni innuttaasut nunani avannarlerni suleqatigiinnerup iluaqutissartaanik paasinnissimanerat paasillugu nuannersorujussuuvoq, tamanna ilaatigut malugalugulu takusinnaasarparput nunat avannarliit suliniutai aqqutigalugit kalaallit suliniutinut annertuumik peqataasarnerisigut aammalu Nuuk Nordisk kulturfestivalertitsinerani annertuumik peqataasoqarneratigut.
Agathe Fontain Nunat Avannarliit Siunnersuisoqatigiiffia kulturikkut nersornaasiuttakkanik agguaanerani aamma najuuppoq. Tassani "Nunat Avannarliit Siunnersuisoqatigiiffiata nipilersornermut nersornaasiuttagaanut nipilersoqatigiit Nanook innersuunneqarsimapput. Nanookkulli toqqarneqanngillat. Taamaattoq finskeq nersornaaserneqarpoq.