Nunamineralsip akiliisinnaajunnaarluni matunissaminut nalunaarutini suli nassiutinngilaa
Tamanna KNR-imut uppernarsarneqarpoq Nunamineralsimi siulersuisut siulittaasuannit Birks Bouvaidimit aamma suliffeqarfiup pisortaanit Ole Christiansenimit.
Tamatumunnga pissutaavoq akiliisinnaajunnaarluni nalunaarut, sulliffeqarfiup pisortaanit aamma siulersuisuit siulittaasuannit atsiorneqarsimanissaa piumasaqaataammat, Birks Bouvard oqarpoq.
Aamma atuaruk NunaMineralsip akiliisinnaajunaarnini pisortatigoortumik nalunaarutigaa
Birks Bouvaird Canadami najugaqarmat taassuma atsiugaa qarasaasiakkut assilineqarnera nassiuteqqaarsimavaa.
Tamannali naammangilaq - atsiornerup assilineqarnera atorneqarsinnaanngilaq.
Birks Bouvardip pappiaqqamut atsiugaa allakkatigut sapaatip akunnerata ataatsip matuma siorna nassiunneqarpoq.
Aamma atuaruk Nunamineralsip annaanniarnera suli ilungersuutigineqarpoq
Atsiorneq taanna kopiummat Kalaallit Nunaata eqqartuussivianit atorsinnaanngitsutut nalilerneqartoq, Nunamineralsimi pisortap Ole Christiansenip tamanna uppernarsarpaa.
