Nunaminerals Naalakkersuisuinit naammagittarfigineqarpoq

Aatsitassarsiornermi ingerlatseqatigiiffik Nunaminerals, Namminersorlutik Oqartussanit pigineqartoq, aningaasaatikilligaluttuinnarpoq, taamaakkaluartoq ingerlatseqatigiiffik Naalakkersuisuinit naammagittarfigineqarpoq.
Allattoq Hagen Højer Christensen, Simon Uldum
septembarip 04-at 2014 08:21

Naalakkersuisut siulittaasuat Aleqa Hammond, Demokraatit siulittaasuata Anda Uldumip § 37 naapertorlugu apeqquteqaataanut akissuteqarluni taama allappoq.

AAMMA ATUARUK NunaMinerals millionilikkuutaanik taarsigassarsisoq

- Oqartoqarsinnaavoq aatsitassarsiorneq sivisukulussinnaallunilu akisoorujussuusinnaasoq, aatsaallu suliaq ingerlangaatsiareeraangat iluanaarutaalersinnaasarluni, Hammond nassuiaavoq.
 
 Taamaammat Namminersorlutik Oqartussat Nunamineralsip siunissami qanoq isertitaqartiginissaanut qanoq isumalluartiginersut imaluunniit ingerlatseqatigiiffiup  qaqugu sinneqartooruteqarluni ingerlalernissaa isummerfigerusunngilaa.

AAMMA ATUARUK Nunaminerals aningaasassaaleqivoq

Nunamineralsip aatsitassarsiornermi ingerlatseqatigiiffittut siunertaraa siunissaq ungasinnerusoq eqqarsaatigalugu aningaasatigut annertuumik isertitsissutaalernissaa. Aleqa Hammondillu nuannaarutiginerarpaa, ingerlatseqatigiiffik amigartooruteqarluni ingerlagaluarluni, 2014-ip ukiuata affaani siullermi amigartoorutai ukiup siuliani piffissap taamaalineranut naleqqiullugit ikinnerunerummata.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk