NunaMinerals aningaasatigut ikiorsiissuteqarfigineqartoq
Naalakkersuisuugallartut qinnuteqaateqarmata aningaasaqarnermut akileraartarnermullu ataatsimiititaliaagallartup 4,5 millionit koruuninik aningaasaliiffigaa.
AAMMA ATUARUK Nunaminerals Naalakkersuisuinit naammagittarfigineqarpoq
Ingerlatsiviup aningaasarliornera matunissaanillu kinguneqariaannaanera, Naalakkersuisuugallartut innersuussutaanut tunngaviuvoq. Namminersorlutik oqartussanit suliffeqarfik taperneqanngikkuni matujartuaarneranik kinguneqassasoq, oqaatigineqarpoq.
NunaMineralsimi pisortap Ole Christiansenip aalajangiineq nuannaarutigaa.
- Aningaasaliisut annersaanniit tapersersorneqarneq aningaasaleeqataasunut tamanut pitsaasumik kalerriineruvoq, Ole Christiansen allappoq nangillunilu:
- Kuultisiornissamik pilersaarutaasup Vagar Guldprojektip ingerlateqqinneqarnissaanut ingerlatsiviup periarfissai suli nalornissutaapput. Namminersorlutillu oqartussat tunuliaqutsiinerisa avataaniit tamakkiisumik aningaasaliisussanut oqaloqatigiinnerit ingerlaatiinnarnissaannut ingerlatseqatigiiffik periarfissinneqarpoq, Ole Christiansen tusagassiorfinnut taama allagaqarpoq.
AAMMA ATUARUK NunaMinerals millionilikkuutaanik taarsigassarsisoq