Ritzau

Nunaatillit amerlasuut Belgiap Hollandillu akornanni killeqarfik assersoraat

Tallimanngornermi Belgiamukaartoqannginnissaa, Hollandip oqartussaasuisa innersuussutigaat.

Allattoq Ritzau

februaarip 02-at 2024 10:19

Nutserisoq Mads Lynge

Nunaatillit amerlasuut Belgiap Hollandillu akornanni killeqarfik assersorpaat.

Aqqusinikkut angallannermi aqutsisoqarfiit Belgiameersut Hollandimeersut tallimanngornermi taama nalunaaruteqarput.

Europami nunaatillit amerlasuut sulinermi aningaasartuutit amerliartuinnarnerat oqartussanit iliuuseqarfigineqarnissaat pillugu akerliussutsimik assigiinngitsutigut piffissami kingullermi takutitsisqattaarput.

Belgiap Hollandillu akornanni killeqarfimmi illoqarfik Antwerpen ilaatigut eqqugaavoq, tamaani Belgiap Hollandillu akornanni killeqarfik nunaatilinnit assersorneqarluni.

Aamma atuarukEU-Kommissioni: EU-mi aningaasarsiornerup ilimagisamit ingerlalluarnerunissaa ilimanarpoq

Akerliussutsimik takutitsisut akornanni amerlanersaat Belgiamiuusut tamaani nutaarsiassaqartitsiviit nalunaarutigaat, akerliussutsimillu takutitsisut Hollandimiunik aamma ilaqarlutik.

Belgiap kippasissortaani illoqarfimmut Zeebruggemut aqqut lastbiilinik ingerlatsisunit atorneqakkajuttoq nunaatilinnit ulluni arlalinngortuni assersorneqarpoq.

Lastbiilit 2000-ngajaat ingerlariaqqissinnaajunnaartut Belgiami nutaarsiassaqartitsiviup VRT-p allaaseraa.

Nutaarsiassami kukkunermik nassaarsimaguit uunga allaffigineqarsinnaavugut.