EU-Kommissioni: EU-mi aningaasarsiornerup ilimagisamit ingerlalluarnerunissaa ilimanarpoq

Nukissiuuteqarnikkut pilersuinermi akit atuisunut qaffasittuarsinnarput. Naallu aningaasarsiornerup ukioq manna ajornartoorfiusinnaanera EU-Kommissionip ilimagigaluaraa EU-Kommisioni isumalluarpoq.

Ukioq manna aningaasarsiornerup ilimagisamit ingerlalluarnerunissaa EU-Kommissionip ukiuunerani missiliorpaa, aningaasallu naleerukkiartornerat ajornerpaaffimmineereersutut taassuma saniatigut nalilerlugu.

EU-mi ataatsimut isigalugu aningaasarsiornerup ukioq manna 0,8 procentinik qaffariaateqarnissaa, Eurozonemillu taasagaanni 0,9 procentinik qaffariaateqarnissaa ilimagineqarluni.

EU-p ukioq manna aningaasarsiorneq pillugu missingersuutai eqquutsissappata, aningaasarsiornerup ilimagisamit ingerlalluarnerunissaa ilimanartoq, EU-kommissærip Paolo Gentilonip oqaatigaa.

- EU-mi nunani assigiinngitsuni aningaasarsiorneq ilorraap tungaanut ingerlasoq takuneqarsinnaavoq. Assersuutigalugu nukissiuutit akii appariartorput. Aningaasarsiornerullu ilimagisamit ingerlalluarnerunissaatut isikkoqarpoq, Paolo Gentiloni oqarpoq.