Nukissiorfiit nutaamik pisortanitsitsipput
Qaammatit marluk pisortaqanngereerlutik Nukissiorfiit Kaspar Mondrup-ip, januaarip naaneraniit atuutilersussamik soraarniuteqarsimasup, kingornatigut nutaamik pisortanitsitsipput, pisortaasimasoq.
Nukissiorfinnut pisortaq nutaaq tassaavoq Cicilie Senderovitz, 1. maajimilju aallartissaaq.
Det oplyser Nukissiorfiit tusagassiuutinut nalunaarummi taama allappoq.
Cicilie Senderovitz Vestforbrænding-imi isumaqatigiinnernut pisortatut atorfimmeerpoq. Avatangiisinut biolog-itut pisortallu ingerlatsiviini aqutsusutut ilinniarsimasuuvoq, ilaatigullu makku iluanni misilittagaqarluni: aqutsineq, aalajatsuumik pilersuineq, naammassisaqarluarsinnaanerulerneq, qorsuusumullu allanngortitsineq, pisisartunik sullissineq aningaasaqarnikkullu aqutsineq.
AAMMA ATUARUK Nukissiorfiit pisortaat soraartoq: Qamittoornernut attuumassuteqanngilaq
- Nukissaqarniarneq pimooruteqaara, qorsuusumut allanngortitsineq, avatangiisit aamma aaqqiinerit piujuartitsisut. Mannalu uannut tupinnaannartumik periarfissiivoq – Nukissiorfiit sulisorpassui pikkorissut peqatigalugit Kalaallit Nunaata ingerlanerata ajunngitsup ilorraap tungaanoortumik ilanngusseqataaffiginissaa qilanaaraara, Cicilie Senderovitz oqarpoq.
- Nunamut tamarmut pilersuinerup aalajaannerusup qulakkeernissaanut sulineq pingaarutilik utaqqivoq – suliassaq taanna annertuumik pimoorullugu tiguara. Sunilluunnniit uninngaannartoqassanngilaq. Siumukarusussuseqaqaaanga ilungersornikkaajullungalu, taammaatumik aallartinnissara qilanaareqaara.
Pisortamik aalajaatsumik kissaateqarpoq
Kaspar Mondrup-ip soraarniutaa decembarip 16.-ani avammut nalunaarutigineqarpoq. Nuummi qamittoornersuup, ilaatigut nalunaaquttap akunnerinik 18-inik sivisussusillip kingornatigut qaammat aataasiunngitsorluunniit tamanna pivoq. Nunalerinermut, Imminut pilersornermut, Nukissiuutinut aamma Avatangiisinut Naalakkersuisoqarfik naapertorlugu soraarniuteqarneq qamittoornermik peqquteqanngilaq .
Kaspar Mondrup Nukissiorfimmi pisortaavoq ukiumi ataatsimi qaammatinilu arfineq marlunni. Ullumikkut Danmarkimi KMD-mi pisortaavoq.
Kalistat Lund (IA) Nunalerinermut, Imminut pilersornermut, Nukissiuutinut aamma Avatangiisinut Naalakkersuisuusoq aamma neriuppoq Cicilie Senderovitz sivisunerusumik atorfimminiissasoq.
- Jeg ser frem til et godt samarbejde med Ciciliep suleqatgilluarnissa qilnaaraara, neriuppungalu massakkut Nukissiorfinnut pisortartaassasugut ukiuni arlalinni atuuffimmini aalajaassasog. Suliffeqarfimmi suleqataasut atugarissaarnissaannut angusaqarluarnissamullu pingaartuuvoq, oqarpoq.