Nukissiorfiit pisortaat soraartoq: Qamittoornernut attuumassuteqanngilaq
Nukissiorfiit nutaamik pisortassarsiussapput.
Nukissiorfinnimi pisortaq, Kaspar Mondrup nutaamik atorfittaarpoq.
Naalakkersuisut tusagassiuutinut nalunaarummi taama allapput.
Nukissiuuteqarnermut naalakkersuisup oqarnera naapertorlugu tamanna Nuummi novembarip decembarillu akornanni qamittooqattaarnermut attuumassuteqanngilaq.
- Kaspar Mondrupip soraarniuteqarnerminut atatillugu atorfimmik allamik neqeroorfigineqarsimanini Kaspar Mondrupip eqqaavaa. Nuummi sarfaaruttoorneq pitinnagu soraarniuteqarpoq, taamaalillunilu tamanna pisumut tassunga attuumassuteqanngilaq.
Kaspar Mondrupip suliaqarsimanera Nunalerinermut, imminut pilersornermut, nukissiornermut avatangiisinullu naalakkersuisoqarfiup qujassuteqarfigaa.
Nukissiorfiit pisortaata Kaspar Mondrupip soraarniutini 2022-mi januaarip naaneranit atuutilertussatut tunniuppaa.
Nukissiorfinni pisortatut atuuffiup inuttassarsiuunneqarnera ukiumi nutaami saqqummiunneqarumaarpoq.
AAMMA ATUARUK Nukissiorfiit qaammatini arfineq pingasuni direktøreqarsimanani nutaamik pisortartaassaaq
Kaspar Mondrup Nukissiorfinni siorna maajimili pisortatut atuutilerpoq. Kaspar Mondrup taamaalilluni Nukissiorfinni ukioq ataaseq qaammatillu arfineq-marluk pisortaavoq.
Nukissiorfiit taamani pisortassarsiornerat qaammatinik arfineq-pingasunik sivisussuseqarpoq.