Norgemi amaqqut amerliartuinnartut
Rovdata uumasut kiisortut, soorlu amaqqut nannullu nakkutigisaraat. Sverigemi, Finlandimi Ruslandimilu uumasut kiisortut assigiinngitsut, qanoq amerlatiginerat nakkutiginiarlugu, Skandinaviap qeqertaasartaani nalunaarsorneqartarput.
Aatsaallu taama maanna piffissami nutaanerusumi amaroqartigaaq.
Nalunaarutigineqartut najoqqutaralugit, Norgemi Sverigemilu amaqqut katillugit 460-iupput, amerliartorpullu.
Aamma atuaruk Amaqqunik piniarneq inerteqqutaavoq
Nutaarsiassaq Norgemi Sverigemilu qaqqani orpippassuarnilu tuttorsuarnut pitsaavallaanngitsoq.
Amaqqut neqi nerisartagaasa annersaat, tassa 95 procentii tuttorsuit neqaannit pisarpoq, amoroqatigiillu ukiup ataatsip ingerlanerani tuttorsuit 100-t pisarisinnaasaraat, norsket aviisiat Dagbladet allappoq.
Danmarkimiut aamma amaqqunik takkutoqarsimavoq. Kisiannili amerlanerpaamik amaqqut 20-it 23-illu missaaniissangatinneqarput. Amaqqut nujuartat angutiviaanerupput Jyllandimiinnerullutillu.
Aamma atuaruk Sverigemi amarorniartussanngorput
Nunatsinni aamma amaroqartoq, Pinngortitaleriffimmiit Katrine Raundrupip oqaluttuaraa.
- Amaqqut Nunatsinnut 1970-ikkunni isaaqqissimapput, naatsorsuutigaarpullu 50-it 55-illu missaanni amaroqartoq, KNR-imut taanna oqarpoq.
/ritzau/
