Sverigemi amarorniartussanngorput

- Ilisimatuut innersuussutaat najoqqutaralugit minnerpaaffissaanut inissiivugut. Taakkuami naliliipput 20-t pisarineqarsinnaasut, taama Susanna Löfgren pinngortitap eriagineqarnissaanut oqartussaneersoq oqarpoq.

Maannamut aallaaniat 3000-it amarorniarnissamut peqataanissaminnut nalunaarsimasimasut Löfgrenip oqaatigaa.

1964-lli kingorna aatsaat siullermeerluni siorna amarorniarneq siulleq ingerlanneqarpoq, amaqqut 28-t pisarineqarput, pisarineqarsinnaasunit ataatsimik sippuisoqarluni.

Svenskit inatsisartuisa siorna aalajangerpaat Sverigemi amaqqut 210-nut killilerneqassasut.

Pinngortitamik eriaginnittut uumasunillu illersuiniaqatigiit oqarput, amorniarnissamut malittarisassat peqqarniittuusut aammalu aaqqissuulluagaanngitsut, Pinngortitaq pillugu nunarsuaq tamakkerlugu sulianiaqatigiiffik WWF pisaqartorsinnaaneranut illuatungiliilluni oqarpoq, amaqqunik 20-nik pisaqartoqarsinnaaneranik aalajangerneq ilisimatuussutsikkut paasisanik tunngaveqanngitsoq.