Amaqqunik piniarneq inerteqqutaavoq
![](/sites/default/files/styles/image_934x467/public/article_images/ulv.jpg?itok=i0aokLvq)
Amaqqut Kalaallit Nunaani inatsisit malillugit piniarneqaqqusaangillat. Pisaqarnissarlu inatsisitigut unioqqutitsinerussaaq.
Qaanaami amaqqumik pisaqartoq politiinut unnerluutigineqarsimasoq, politiit oqarput, oqaatigalugulu piniartoq killisiorneqarnermini oqarsimasoq, amaqqut piniaqqusaannginerat ilisimasimanagu.
Ammaqqumik pisaqarsimanermi arsaagaaneq akiligassitsinnerlu pillaatissiissutaasarput. Akiligassap angissussaa assigiinneq ajorpoq, kisianni amaroq qanoq pisarineqarsimanersoq apeqqutaassaaq. Inunnut ulorianaateqarnera peqqutigalugu pisarineqarsimanersoq, imaluunnit pisariniaannarlugu piniarneqarsimanersoq politiit aalajangiinermini misissoqqaassavaat.
Suliaq suli misissorneqartoq Qaanaami politiit nalunaarutigaat, kisianni amaroq arsaarinnissutigineqassasoq oqaatigalugu.
Ittoqqortoormiit eqqaani Jameson Landimi, Liverpool Landimilu amaqqunik pisaqarnisssaq taamaallaat inerteqqutaanngilaq.