Norgep russit Issittup siunnersusoqatigiivini suli ataatsimeeqatigerusuttanngikkai
Issittumi Siunnersuisoqatigiit ukiut marluk kingulliit russinik siulersoqarpoq, maannali tamanna allanngussaaq maajimmi qaammataaniit Norgemiunik siulersuisut taarserneqassapput.
Norgellu tungaaniit siunnersusoqatigiit ataatsimiitsillugit russinik peqataasoqannginnissaa kissaatigineqarpoq. Russinillu peqataasoqassappat, taamaallaat ajuallatsitsinngitsumik arlaannaannulluunniit kalluaanngitsumik pissuseqassappata peqataasoqartarnissaa piumasarineqarpoq.
AAMMA ATUARUK Issittumi suleqatigiinnerup unitsinneqarnera: Rusland Danmarkimut aarlerisaarisoq
Norgep nunanut allanut tunngasuni ministeria, Anniken Huitfeldt, nittartakkakkut nutaarsiassaqartitsivimmut Altinget Arktisimut taama oqarpoq.
Issittumi Siunnersuisoqatigiit nunanit arfineq-pingasuneersunit ilaasortaqartuupput, taakkunanngali arfineq-marluk russit Ukrainemut saassussinerisa kingorna 2021-mi upernaakkut tunuarterput, oqarlutik Issittumi Siunnersuisoqatigiit suliaannut tamanut ilaarusukkunnaarlutik.
AAMMA ATUARUK Aaja Chemnitz Larsen: Issittumi suleqatigiittoqaannassaaq – aamma piffissami ungasinnerusumi Ruslandimut
Taakkulu taamak tunuarternerat Ruslandip tungaaniit taamani quiagineqanngeqaaq, immikkullu ilisimasalinnit taamani oqallisigineqarpoq ilumut russit taamatut iliorfigissallugit naapertuilluartuunersoq, tassami nuna taassuma nunarsuarmi issittoqarfiunera 40 procentiummat.
Ukrainemi sorsunnermiit Issittumi Siunnersuisoqatigeeqarnissaq pingaarnerusoq, Norgep nunanut allanut tunngasuni ministeria erseqqissaavoq.
