Noah Lyles coronamut misissortereernermini: OL uannut naavoq
Parisimi OL-imi 100 meterimik oqilaniunnermi guldtinnattoq Noah Lyles unammersuarnerni unippoq coronamik viruseqalersimanini pissutigalugu.
Unnuaq instagramimini taamak allappoq.
- Tassa OL 2024-mi peqataanerma uninnerissagunarpaa. Imaanngilaq OL takorluukkatut pisoq, taamaakkaluartoq pilluarnermik mikinngitsumik misigititsivoq. Neriuppunga unammersuarnerit tamassi nuannaarutigisimagisi, Lyles allappoq.
Noah Lyles tallimanngormat arpannaakkamini, tassa 200 meterini pakatsisitsivoq, tassami Letsile Tebogomut Botswanameersumut ajorsarpoq, taannami 0,24 sekundinik sukkanerulluni kuultinnappoq. Noah Lyles bronzinnappoq nunaqqataa Kenneth Bednarel 19,62 sekundit atorlugit 200 meterinik arpattoq sølvinnattoq.
Sapaatiummat kuultinnattoq
Noah Lyles ullup ingerlanerani nassuiaavoq coronalersimalluni, taamaammat pisartanngorniunnermi sanngiillerersimalluni.
OL-ip oqaluttuarisaanerani nutaajunerusumi 100 meterimut pissartanngorniunnermi aatsaat taamak ajugaaqqarfiutigisumi kuultinnappoq. Kishane Thompsonimit Jamacameersumit sekundip 1000-nut aggorneranik tallimanik sukkanerulluni amerikkamiu ajugaavoq.
Lyles Parisimit aallarpoq ataatsimik kuultinnassimalluni ataatsimillu bronzennassimalluni. Sisamariarluni 100 meterinik stafetternermi USA-p unammisartoqatigiivinut peqataanissaa naatsorsuutigineqarsimagaluarpoq. Unammineq taanna 19:47 ingerlanneqarumaarpoq.
