Nivi Olsenip atuarfinni pisortat avoqqaarai
Atuagagdliutit ullumi saqqummersoq taama allaaserisaqarpoq.
Atuartut soraarummeertut 40 procentii ukioq manna ilinniaqqissimanngitsut kisitsisit ilinniartitaanermut
naalakkersuisoqarfimmeersut kingulliit takutippaat, taamaammat Nivi Olsenip atuarfinni pisortat akisussaaffimminnik naammassinninnissaat piumasaqaatigaa.
Atuarfippassuilli taamaaliorneq ajornerat paasivarput. Tamannalu meeqqanik inuusuttunillu annaasaqaataavoq, tassami angusarissaarnatik meeqqat atuarfiannik naammassinnikkaangamik ilinniaqqiffissanut ingerlariaqqiffissaminnut isersinnaanasanngillat, Nivi Olsen Atuagagdliutinut taama oqarpoq.
Ilinniartitaanermut naalakkersuisup kommunit sisamaasut meeqqat atuarfiat pillugu peqqussummik naammassisaqarnissaat anguniarlugu oqaloqatigai.
Aamma atuaruk Nivi: Pisuutitseqattaarunnaarta
Inuttut ajornartorsiutit utoqqatsissutitut atorneqarsinnaanngillat
Ilinniartitsisut kattuffianni Imakkimi siulittaasup Sivso Dorphip Kommuneqarfik Sermersuumilu atuarfeqarnermut ingerlatsiviup isumaqatigiissutigaat kinguaassiutitigut atornerluisoqartarnera aammalu inooqataaniarnikkut ajornartorsiutit allat meeqqat atuarfinnut artukkiisut.
- Imaanngilarli ajornartorsiutit taamaallaat atuarfinnit aaqqinniarneqassasut. Meeraq angerlarsimaffimmini
toqqissisimanngippat taava atuarfimmi kissalaarneq ineriartortitsinerlu neqeroorutigineqarsinnaapput. Inuunermi atukkat kisimik utoqqatsissutitut atorneqarsinnaanngillat. Taamaammat atuartut ataasiakkaarlutik
tamarmik immikkut iliuusissatut pilersaarutinik peqartinnissaat pingaaruteqarpoq, Nivi Olsen Atuagagdliutinut taama oqarpoq.
Aamma atuaruk Atuarfinni aaqqiissutissani angajoqqaat unamminarnerpaassapput
Ilinniartitaanermut naalakkersuisup meeqqat atuarfiat tallimanik siunnerfeqartumik pilersaaruteqarfigaa, meeqqat ataasiakkaat iliuusissatut pilersaarutinik peqartinnissaat tamatumunnga ilaatinneqarluni
