Qilanaartuut: Nive Nielsen Sir John Franklinilu pissanganartorsiortut
Isiginnaarutitigut nangeqattaartuliaq "The Terror" USA-mi ukioq manna marsip ulluisa 26-anni takuteqqaarneqarnerani tamanna isiginnaarneqarsinnaassaaq.
Nangeqattaartuliamut "The Terror"-imut qilanaartuut Youtubekkut saqqummersinneqaqqammerpoq, nangeqattaartuliamilu inuttaasussat ilisimassarsiorlutik angalanerminni sakkortuumik misigisaqassasut, nangeqattaartuliap qilanaartuutigineqarnerani takuneqarsinnaavoq.
Issittumi ilisimasassartoq Sir John Franklin nangeqattaartuliami ilaatigut qitiuvoq. Franklinip Sullualukkut aqqut 1847-mi ujaarivaa.
AAMMA ATUARUK Nive Nielsenip tv-kkut nangeqattaartuliami inuttaanissani nuannaarutigigaa
Oqaluttuarli nassuiaatissartaqanngitsumik aamma ilaqarpoq. Sikuunerami issinneratalu Sir John Franklinip inuttaasalu ajunaarnerannut pissutaaginnanngillat:
Kalaaleq isiginnaartitsisartoq erinarsortartorlu Nive Nielsen Lady Silencetut inuttaavoq, nangeqattaartuliami arnatuat ilaanniilluni.
AAMMA ATUARUK Nive nunani tamalaani nangeqattaartuliami angisuumi inuttaalersoq
Nive Nielsen KNR-imit siorna septembarimi oqaloqatigaarput. Taassuma tv-kkut nangeqattaartuliami peqataanissani nuannareqalugu taamanikkut oqaatigaa:
- Turnérluta paasivarput, biiliniilluta, Tysklandimi angalaarluta. Nuanneqaaq, tanngassimaarnaqaaq paasillugu toqqagaasimalluni, nipilersortartoq erinarsortartorlu Nive Nielsen taama oqarpoq.