Nive nunani tamalaani nangeqattaartuliami angisuumi inuttaalersoq

Nive Nielsen filmiliortartup Ridley Scottip tuluit umiarsuaat HMS Terrorip issittup imartaani ilisimasassarsiortilluni 1848-imi umiusoq pillugu nangeqattaartuliaani nutaami inuttaasussanngorpoq. Nittartagaq soundvenue.com taama allaaserisaqarpoq.
Assi © : Helle Nørregaard
Allattoq Simon Uldum -
septembarip 20-at 2017 10:06

Nive Nielsenip isiginnaartitsisartut tusaamarsarsuit Jared Harris, Ciaran Hinds aamma Tobias Menzies nangeqattaartuliami inuttaaqatigissavai. 

Taakku issittumi ilisimasassarsiortup Sir John Franklinip 1847-mi Sullualukkut aqqutissarsiorluni ilisimasassarsiornerani umiarsuarmi aqumiutut nangeqqaartuliami inuttaaffeqarput.

AAMMA ATUARUK Nivi Nielsen qilanaartuutissanik nittartakkami ikkussivoq

AAMMA ATUARUK Nunavumi umiiarnikup HMS Terroriunera uppernarsarneqartoq

Ilisimasassarsiornermi Franklin inuttaalu 128-usut ajunaarput.

Nangeqattaartuliaq ilaatigut pisunik piviusunik tunngaveqassaaq, Nive Nielsenilu arnat inuttaasut kisiartarissavaat, taamani Tuluit Sakkutuui Imarsiortut arnartaqanngimmata, nittartagaq Sound Venue taama allappoq.

AAMMA ATUARUK Nive Nielsenip nuuteeraliaa nutaaq saqqummerpoq

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq