Niueqatigiinnikkut qalliuniunneq aningaasarsiornermut qajannarsisitsisoq
USA-mi qitiusumik aningaaserivissuup, Federal Reservep, misissuinerata tamanna takutikkaa, nutaarsiassaqartitsiviup Bloomberg Newsip allaaseraa.
USA-p Kinallu qalliuniunnerat nunarsuarmi ukioq manna qaammatit siulliit arfinillit ingerlaneranni aningaasarsiornerup ataatsimut isigalugu 0,8 procentpointinik appariarnissaanik malitseqassasoq, aningaaserivissuup naatsorsuutaasa takutippaat.
- Nunat marluk taakku akornanni aaqqiagiinngissutit ukioq manna maajimi juunimilu sakkortuseriarsimanngitsuuppata nunarsuarmi aningaasarsiorneq ilorraap tungaanut sangujartuaalissagaluarpoq. Aningaasarsiornerulli qajannarsinerunera pissutaalluni aningaasarsiorneq ukiup sinneranut aappaagumullu sunniuteqapilussaaq, Federaæ Reserve allappoq.
USA-mik niueqateqarnissamut isumaqatiginninniarnerit oktobarip aallartisimalaarnerani aallartinnissaat isumaqatigiissutigisimallugu, Kinap niuernermut ministereqarfiata sisamanngormat nalunaarutigaa.
/ritzau/