Nittartagaq doktor.gl attavissaaqqilertoq
Peqqinnissaqarfiup attaveqaatai qarasaasiatigut maajimi saassunneqaramik akornuserneqarput.
Tamanna ilaatigut nalunaarsukkanik nakorsianut tunngasunik takunnittoqarsinnaannginneranik kinguneqarpoq.
Peqqinnissaqarfiullu nittartagaata ilaat www.peqqik.gl aamma attavissaajunnaarpoq.
Kisianni www.peqqik.gl maajip naaneranili attavissaaqqilerpoq, nakorsanulli nittartakkakkut saaffiginnittarfik doktor.gl aatsaat attavissaaqqilerpoq.
Nittartagaq doktor.gl attavissaaqqilertoq, Peqqinnissaqarfik nalunaarpoq.
- Peqqinnissaqarfik qarasaasiatigut maajimi saassunneqarami attaveqaatai akornuserneqarput. Taamaammat peqqinnissaqarfimmi sulisut nittartakkakkut maannamut attavigineqarsinnaasimanngillat.
- Ilaatigut nakorsanut nittartakkakkut saaffiginnittarfik doktor.gl attavissaajunnaarsimavoq, tallimanngormalli juunip 24-anni attavissaaqqilerpoq. Nittartakkap doktor.gl-ip attavissaajunnaarsimanera Peqqinnissaqarfiup ajuusaarutigaa.