- Ilaatigut nakorsanut nittartakkakkut saaffiginnittarfik doktor.gl attavissaajunnaarsimavoq, tallimanngormalli juunip 24-anni attavissaaqqilerpoq. Nittartakkap doktor.gl-ip attavissaajunnaarsimanera Peqqinnissaqarfiup ajuusaarutigaa.Assi: KNR / Malik Brøns

Nittartagaq doktor.gl attavissaaqqilertoq

Qarasaasiatigut maajimi saassussisoqarnera peqqutaalluni Peqqinnissaqarfiup attaveqaatai akornuserneqarput. Peqqinnissaqarfiulli nittartagaata ilaat doktor.gl maanna attavissaaqqilerpoq.

Peqqinnissaqarfiup attaveqaatai qarasaasiatigut maajimi saassunneqaramik akornuserneqarput. 

Tamanna ilaatigut nalunaarsukkanik nakorsianut tunngasunik takunnittoqarsinnaannginneranik kinguneqarpoq.

Peqqinnissaqarfiullu nittartagaata ilaat www.peqqik.gl aamma attavissaajunnaarpoq.

Kisianni www.peqqik.gl maajip naaneranili attavissaaqqilerpoq, nakorsanulli nittartakkakkut saaffiginnittarfik doktor.gl aatsaat attavissaaqqilerpoq.

Nittartagaq doktor.gl attavissaaqqilertoq, Peqqinnissaqarfik nalunaarpoq.

- Peqqinnissaqarfik qarasaasiatigut maajimi saassunneqarami attaveqaatai akornuserneqarput. Taamaammat peqqinnissaqarfimmi sulisut nittartakkakkut maannamut attavigineqarsinnaasimanngillat.

- Ilaatigut nakorsanut nittartakkakkut saaffiginnittarfik doktor.gl attavissaajunnaarsimavoq, tallimanngormalli juunip 24-anni attavissaaqqilerpoq. Nittartakkap doktor.gl-ip attavissaajunnaarsimanera Peqqinnissaqarfiup ajuusaarutigaa.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl