Nipisaat 1300 tonsit ukioq manna aalisarneqarsinnaapput
Nipisanniartartut ukiormanna 1.300 tonsit aalisarsinnaassavaat. Naalakkersuisut marsip arfineq-pingajuanni taama aalajangiipput.
Stenbiderrogn
Allattoq Bikki P. Kleist
marsip 10-at 2018 12:14
Nipisanniarfiusut tamarmik siornatulli sivisussuseqassapput, ulluni 44-ni nipisanniartoqartassalluni.
Imartami pineqartumi aalisarnerup ammarneqarnerata nalunaarutigineqarneranut ulloq tunisiffiusussaq kingulleq ilanngullugu nalunaarutigineqassaaq.
Aalisarneq imartami pineqartumi piffissap aalisarfiup qaangiunnissaata tungaanut imaluunniit immikkoortumi pisassiissutit nungunnissaasa tungaannut ingerlaannassaaq.
Nipisanniarneq pillugu Namminersornerullutik Oqartussat nalunaarutaat naapertorlugu marsip aallaqqaataanit juulip 15-iannut nipisanniartoqarsinnaavoq.
Tamanna annerusumik uani paasiniaagit.
