Neriniartarfiup nutaap Ilulissani mamarsaakkanik neriniartarfiit amerlanerulersikkai
Ilulissanut angalaninni neriniartarfimmi nutaamik misigisaqarsinnaanngorputit.
Hotel Arcticimmi neriniartarfik Ulo ammarpaa. Neriniartarfiup kalaalimerngit nutaaliornerillu ataatsimuulersissavai, Hotel Arctic Ritzau-imut tusagassiuutinut nalunaarummi allappoq.
- Neriniartarfiup Ulop ammarneratigut suliatta pitsaassusaat qaffatsiinnarnagu Ilulissat pitsassuarnik aamma neriniafissaqarnerulersipparput, akunnittarfiup pisortaa, Morten Nielsen tusagassiuutinut nalunaarummi oqarpoq.
Ileqqunik nutaaliornermillu ataatsimoortitsineq illoqarfimmiut pisaannik atuinikkut pissaaq.
- Ukioq kaajallallugu pissarsiarisinnaasaannangagut atortarpagut, aalisarnermi pisarisuukkat ilaatigut aamma atortarpagut. Tamanna inuiaqatigiinnik tapersiineralutigulu nutaanik mamartunillu nerisaqartitsinissamik qulakkeeriniarneraarput, Morten Nielsen oqarpoq.
Nerisassat Ulomukarlutik ussersinnaasatit tassaapput arfimerngit, puisimerngit, timmissat, aalisagamerngit naasullu nunameersut, ksiianni aamma imigassanni 'immikkut ittumik nillorsaateqarnissaa' mamartunillu imigassaqarnissat qilanaarutigisinnaavat.