Nassuttuumi nannut marluk takuneqarsimapput
Nassuttuumi nannut marluk takuneqarsimasut aalisarnermut piniarnermullu pisortaqarfik taama nalunaaruteqarput.
Nassuttuup eqqaani ukioq mannamut nannutassiissutit nungunneqarsimamammata, nanumik naammattoorisoqassagaluarpat piniarnernermut nakkutilliisoq Sisimiuniluunniit politiit nalunaarfigineqassasut naalakkersuisoqarfiup aamma paasissutissiissutigigaa. Tassa nannup nammineq pisarinissaat inerteqqutaapput.
Aatsaat naammattoorsisoqanngilaq
Aasaq manna nanumik aatsaat naammattoorsisoqalinngilaq. Kujataani illoqarfinni nunaqarfinnilu nannut aamma qaninngoortut arlaleriarluni nalunaarutigineqarsimapput. Savaateqarfinni Sillisini Kangerluarsorujummilu nannut qanillivallaarmata aallaaneqartariaqarsimallutik.
AAMMA ATUARUK Nanoq Igalikup eqqaani takuneqartoq
Nanumik naammattoortoqartillu iliuusissat siulleq tassaavoq ersitillugu qimaateriarnissaa. Savimerngit nipiliortinnerisigut, soorlu igat matui nipiliortillugit nanorsuit qimaatinneqarsinnaasut aalisarnermut piniarnermullu pisortaqarfik allappoq. Taamaanngippat piniarnermut nakkutilliisup qoorortuuaqqaminnik eqqarlutik qimaatinniarsarisinnaavaat.
