Narsarsuarmiut periarfissarsiorput
Nunatsinni atlantiku qulaallugu mittarfiit qulimiguulinnut mittarfinngorlugit sipaarfigineqarsinnaasut, mittarfiliortitsinerup aningaasatigut kingunerisassai pillugit misissueqqissaarnerup Deloittemit suliarineqartumi atuarneqarsinnaavoq.
Kangerlussuarmi Narsarsuarmilu najugaqartut amerlasuut mittarfimmi sulisuupput, suliffiallu atorunnaarpat aningaasarsiorfissanik allanik ujartuisoqartariaqarpoq.
AAMMA ATUARUK Narsarsuarmiut siunissartik pillugu tapersersorneqarnissaminnik ujartuisut
Narsarsuami mittarfik qulimiguulinnut mittarfinngortinneqassappat suliffeqarfittut nappatigisinnaasaminnik nunaqarfimmi siulersuisut 2014-imili siunnersuuteqartaraluarput.
- Takornariaqarneq, nuna atorlugu inissiarpassuit aamma sissiugaqarnikkut aaqqissuusisinnaanerit, nukissiuutitigut nillasaavitsigut, siku blokkikkut allallu. Oqallisigisarnikuusagut assigiinngitsorpassuit piusinnaagaluarput ilumut toqqavimmikkut atorfilittatigullu misissuiffigineqarlutillu pilersaarusiorneqartuuppata, Mouritz Karlsen oqarpoq efterskoleqalersinnaasorlu aamma siunnersuutigisimaneraraluarlugu.
AAMMA ATUARUK Kangerlussuaq Narsarsuarlu misissuinermi nutaami qumariartorput
Kommune Kujallerli siunnersuutaasaraluartunut qisuariaateqarsimanngilaq, Narsarsuarmiullu tapersersorneqanngitsutut misigisimanerminni kiserliuallannarnerarpaat.
Kangerlussuarmili suliniutinik allanik ujartuisoqanngilaq. Najugaqartummi mittarfiup atorunnaarsinneqannginnissaa neriuutigaat, politikkikkullu tapersersorneqarnertik neriulluaatigalugu.
- Qeqqata kommuniata mittarfeqarfiunerata ingerlaannarnissaa kissaatigisorujussuuaa. Taamaammat misigisimanarpoq tapersersorneqarluta aamma piujuaannarnissaanut, Kangerlussuarmi nunaqarfimmi aqutsisut siulittaasuat Laila K. Thomassen oqarpoq.
AAMMA ATUARUK Mittarfiliortiternerit nutaat milliard koruuninik sipaaruteqarfiussasut missueqqissaarnermi inerniliunneqarpoq
AAMMA ATUARUK Mittarfissuaqalerpat nunaqarfiit inuerutiimissasut
