Narsaq nutaaliaasumik neqileriffittaassaaq
KNI-p siulersuisuuneri, sapaatip akunerani kingullermi ataatsimiinneranni tamanna pivoq, uumasunik toqoraavik 40 million koruuninik aningaasaliiffigimmassuk.
40 million koruuninik aningaasaliinerup saniatigut, Aningaasanut Inatsimmit aappaagumoortumit 25 million koruuninik aningaasaliisoqarneratigut, nersutaasivimmik nutaamik sanasoqassaq aamma toqoraavimmik nutaamik sanasoqassaaq.
- Nioqqutissanik ineriartortitsinissaq pitsanngorsaanerlu maanna pisariaqarluinnalersimasut nutarterneqassapput, Neqip pisortaanera, Lars Møller-Sørensen oqarpoq nangillunilu:
- Ukiuni arlalinngortuni aaqqiigallartarnerit aningaasartuutaasarsimapput, maannali atortortunik nutaaliaasumik piumasasqaatinut naapertuuttunik peqalernikkut suliffimmik pilersitsisoqartussanngorpoq, Lars Møller-Sørensen oqarpoq.
Neqileriffiup nutarterneqarneratigut ukioq kaajallallugu suliffissanik pilersitsisinaanissaa Lars Møller-Sørensenip neriuutigaa, soorluttaaq Inuili suleqatigalugu ilinniartunik arlalinnik ilinniartitsisoqarnissaa periarfissanngussasoq oqaatigalugu.
- Qularutissaanngitsumik toqoraavik nutaaq inuussutissarsiornikkut annertuumik Kujataanut iluaqutaassasoq aammalu sanaartornermik suliaqartunut suliffissaqartitsissalluni, Neqi A/S-ip pisortaa aamma KNI-mi pisortaagallartuusoq, Lars Møller-Sørensen oqarpoq.