Narsami innuttaasut Kommune Kujallermit anerusupput
Taama isumaqarpoq Narsami oqalittarfimmik aallarniisut ilaat, Josef Petersen. Oqallittarfik sinnerlugu narsami innuttaasunik atsiortitsinikkut maanna anguniarneqarpoq kommunerujussuit sisamaasut aturunnaarsinneqarnissaat.
- Kommunit kattunnissaannik aalajangersimagaanni, tamatumalu kingorna tamanna pitsaanngitsuusoq paasigaanni, taava aaqqiisoqartariaqarpoq. Aaqqiissutissarlu tassaasoraarput kommunit mikinerusut pilersinneqarnissaat, tassami kommunerujussuarnik aaqqissuussineq nunanut allanut ilaasiinnaruvallaaqaaq. Narsami oqallittarfimmik aallarneeqataasoq, Josef Petersen taama oqarpoq.
Nunatsinni kommunit 18-nit atotunnaarsillugit kommunerjussuit sisamaannanngorlugit aaqqissuussineq atuutilerpoq 2009-mi januaarip aallaqqaataani. Taamaanili innuttaasunut sullissineq ajorseriarsimasoq, Josef Petersenip oqaatigaa.
- Partiit oqariartuutigisarpaat inuup qitiutinneqarnissaa. Kommunilli kattussuunneranni takusinnaavarput inuk qitiutinneqanngitsoq ajorseriaannarsimallunili, Josef Petersen oqarpoq.
Kommunit sisamaannanngornerisa kingorna Narsami sanaartornermut aningaasaliisoqarsimanngitsoq, Josef Petersenip oqaatigaa. Tamannalu tunngavigalugu aammalu sumiiffinni allani taamaattut ingerlasoqartoq tusartareerlugu, kommunerujussuit atorunnaarlugit minnernik pilersitsiortornissaq siunertaralugu, Narsami innuttaasunik atsiortitsiortitsiortoqarpoq, Josef Petersenillu siunniussaraa atsiortitsineq Nunatsinnut tamanut siaruaatissallugu.
- Maanna eqqarsaatigaarput atsiortitsineq nuna tamakkerlugu siaruarneqassasoq, taamaalilluta takusinnaanerussagatsigut Nunatsinni innuttaasut kommunerujussuanngortitsisimanermut qanoq isumaqarneri.
Narsami oqaliittarfimmik aallarnissut ilaat, Josef Petersen taama oqarpoq. Taassuma suli ilisimanngilaa aatsisortitsinerit ullumi qasserpiaanersut, Josef Petersenilli oqaatigaa kommunerujussuarnik nalilersuineq pitinnagu, atsiornerit tamaasa oqartussaasunut nassiunneqarumaartut, tamannalu pissasoq ukioq manna martsi naatinnagu oqaatigalugu.
